Татарстан башкаласында «Гәүһәр» проектының 4 сезоны старт ала

2025 елның 9 октябре, пәнҗешәмбе

Казанда "Гәүһәр" проектының дүртенче сезоны старт ала. Дүрт ай эчендә балалар татар биюләрен биергә, җырларга, курчак театрында уйнарга  һ.б.ларга  өйрәнәчәкләр.

«Гәүһәр» проекты Казан мәктәпләрендә һәм балалар бакчаларында 2022 елдан башлап гамәлгә ашырыла. Дүрт ай дәвамында Казанның 20 балалар бакчасында һәм 46 мәктәбендә балалар татар бию хәрәкәтләренә, ораторлык сәнгатенә, татар милли музыка коралларында уйнарга, шулай ук вокалга өйрәнәләр. Быел яңа юнәлеш - курчак театры ачылды. Барлык дәресләр татар телендә үткәрелә. Балалар белән танылган артистлар, җырчылар, актерлар, биючеләр, музыкантлар һәм дикторлар шөгыльләнә. Дәресләрнең нәтиҗәләрен балалар «Гәүһәр» балалар фестивалендә күрсәттеләр, ул киләсе елның февралендә узачак.

Казан шәһәре мэриясе матбугат хезмәте материаллары буенча

 

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International