Kharagpur Һинд технология институты (IIT) һәм Иннополис университеты академик хезмәттәшлек итә башлый. Башта югары уку йортлары студентлар, аннары профессор-укытучылар составы белән алмаша башлаячак. Бу хакта «TIME: Россия – Һиндстан. Үзара нәтиҗәлелек» бизнес-форумының эшлекле иртәнге аш кысаларында Һиндстан-Россия технологик хезмәттәшлеге палатасы директоры Субхам Саркар хәбәр итте. Форумның эшлекле программасы бүген Татарстан башкаласында уза.