Кайбыч районыннан Алмаз Җиһаншин - “Авыл укытучысы - 2025” һөнәри осталык конкурсында җиңүче
3 октябрьдә Татарстан Республикасы мәгариф һәм фән министры Илсур Һадиуллин “Авыл укытучысы .Авыл тәрбиячесе - 2025” һөнәри осталык конкурсында җиңүчеләргә бүләкләр тапшырды. Конкурс Татарстан Республикасы Мәгариф һәм фән министрлыгы тарафыннан “Мәгариф” журналы редакциясе белән берлектә авыл укытучыларының һөнәри өлкәдә абруен күтәрү максатында уздырыла.
Җиңүче һәм конкурс призерлары :
Укытучылар арасында:
1 урын - Кайбыч районы А.Сәгыйди исемендәге Кошман төп мәктәбенең информатика һәм физика укытучысы Җиһаншин Алмаз Равил улы;
2 урын - Питрәч районы Кощаково урта мәктәбенең рус теле һәм әдәбияты укытучысы Сафиуллина Гөлинә Ямалетдин кызы;
3 урын - Мөслим гимназиясенең башлангыч сыйныф укытучысы Мортазина Ләйсән Габбас кызы.
Тәрбиячеләр арасында:
1 урын (татар телле тәрбиячеләр арасында) - Лаеш районының «Умка» Питрәч-Ковалы балалар бакчасы тәрбиячесе Хәсәнова Гөлинә Кираметдин кызы;
- 1 урын (рус телле тәрбиячеләр арасында) - Питрәч районы «Усадьба Царево» торак комплексы «Росток» балалар бакчасының укытучы-логопеды Хитцова Алена Викторовна.
Быел конкурс уникенче тапкыр үткәрелде.
Җиңүчеләргә премияләр, дипломнар һәм рәхмәт хатлары тапшырылды.