Казан укучыларын психологик кыенлыкларны җиңәргә өйрәтәчәкләр
Бүген "Доверие" балаларга һәм яшьләргә психологик-педагогик ярдәм үзәге бүлекчәләрендә ачык ишекләр көне башлана. Чарага 8-11 сыйныф укучылары чакырыла. Яшь казанлылар өчен психологик сәламәтлек темалары буенча белгечләр белән очрашулар һәм консультацияләр оештырыла.
Акция кысаларында үсмерләргә тормыш кыенлыкларын конструктив хәл итү ысуллары, аддиктив (бәйле) һәм деструктив (нормадан тайпылучы) тәртипне профилактикалау турында сөйлиячәкләр. Моннан тыш, килүчеләр күбрәк психологлар эше, консультацияләр вакытында конфиденциальлек һәм куркынычсызлык принциплары турында белә, шулай ук белгечләргә кызыксындырган сораулар бирә алачак.
Чаралар 28 ноябрьгә кадәр дәвам итәчәк, дип хәбәр итә "Доверие" үзәге матбугат хезмәте.
Өстәмә мәгълүмат алу өчен 7 (843) 598-33-73 телефоны буенча, шулай ук «Доверие» үзәге төркемендә язылырга мөмкин.