Татарстан Республикасы Мәгариф һәм фән министрлыгында мәгариф өлкәсендә коррупциягә каршы тору буенча төп чаралар турында фикер алыштылар
9 октябрьдә Татарстан Республикасы Мәгариф һәм фән министрлыгында ТР Мәгариф һәм фән министры каршындагы коррупциягә каршы көрәш комиссиясенең киңәйтелгән утырышы узды. Халыкара коррупциягә каршы көрәш көне алдыннан ТР Рәисе кушуы буенча әлеге чара агымдагы елның 9 аенда эш нәтиҗәләрен тикшерүгә юнәлтелгән очрашулар сериясенең бер өлешенә әверелде.
Утырышта Татарстан Республикасы Рәисе Администрациясе, хокук саклау органнары, иҗтимагый оешмалар вәкилләре, шулай ук гомуми белем бирү учреждениеләре җитәкчеләре катнашты. Видеоконференция элемтәсе режимында чарага төбәкнең 370 мәгариф оешмасы җитәкчелеге дә кушылды.
Сәламләү сүзе белән утырышны Татарстан Республикасы мәгариф һәм фән министры Илсур Һадиуллин ачты, ул мәгариф системасында хокук бозуларны кисәтү буенча комплекслы эшнең мөһимлеген ассызыклап, министрлыкта гамәлгә ашырыла торган коррупция куркынычларын минимальләштерү чараларын билгеләп үтте һәм мәгариф учреждениеләрен коррупциягә каршы хокук бозуларны булдырмау һәм коррупциягә каршы аңны формалаштыру буенча тулы чаралар күрүгә чакырды.