Татарстан укытучысы «Милләт горурлыгы - 2025» премиясе лауреаты булды

2025 елның 13 октябре, дүшәмбе

9 октябрьдә Саратовта «Милләт горурлыгы- 2025» Бөтенроссия иҗтимагый премиясенең Округ этабы җиңүчеләрен бүләкләү булды.

«Туган телләрне үстерүгә һәм саклауга өлеш керткән өчен» номинациясендә җиңүчеләр арасында Татарстан Республикасының Чистай районы Яуширмә мәктәбенең татар теле һәм әдәбияты укытучысы Лилия Фәсхетдинова бар.

Лилия Марсель кызын чын күңелдән котлыйбыз, аның профессионаллыгы һәм туган телне саклауга керткән өлеше белән горурланабыз!