Россия тарихы буенча Халыкара олимпиадада катнашу өчен 83 ил вәкилләре гариза биргән
Россия тарихы буенча чит ил гражданнары өчен 2025 елгы Халыкара олимпиадага теркәлү тәмамланды. 83 илдән 1 666 укучы, студентлар, аларның укытучылары һәм остазлары гариза биргән. Чараны «Минем тарих» гуманитар фәннәргә ярдәм фонды оештыра.
Шәхси зачет форматында 933 кеше теркәлгән, тагын 622 катнашучы 151 команда составына кергән. Аларга 111 остаз ярдәм итәчәк.
Иң күп гаризалар Үзәк Азия илләреннән кергән. Кыргызстан Республикасы абсолют рекордсмен - 256 гариза кергән. Үзбәкстан, Таҗикстан һәм Казахстан лидерлар арасында. Шулай ук олимпиада Африка, Латин Америкасы, Европа һәм Көньяк-Көнчыгыш Азия вәкилләре катнашачак.
Катнашучыларга сайлап алу турын узарга кирәк булачак. Ноябрьдә иң яхшы укучылар һәм укытучылар олимпиадада катнашу өчен Санкт-Петербургка киләчәкләр.