«Знать, чтобы помнить» мәктәп музейлары конкурсының җиңүчеләре билгеле булды
“Бердәм Россия” партиясе оештырган «Знать, чтобы помнить» белем бирү оешмалары музейларының масштаблы Бөтенроссия конкурсы тәмамланды. Конкурсның максаты - илебезнең героик үткәне, Бөек Ватан сугышы ветераннары, Ленинград блокадасы, концлагерь тоткыннары һәм тыл хезмәтчәннәре турында истәлекләрне барлау, саклау.
Алтынчы тапкыр үткәрелгән конкурс финалында 169 мәгариф оешмасы музее катнашты. Аларның 92 се «Иң яхшы шәһәр музее» һәм «Иң яхшы авыл музее» номинацияләрендә җиңүче булды. Алар музей эшчәнлеген үстерүгә 200 меңнән алып 500 мең сумга кадәр грант алачак.
«Иң яхшы авыл музее» номинациясендә 1 урынга Ютазы районы Урыссу 3нче Урыссу урта мәктәбе лаек булды.
«Иң яхшы шәһәр музее» номинациясендә 3 урынны Түбән Кама шәһәреннән «Советлар Союзы Герое Гани Сафиуллин исемендәге Идел буе федераль округының Татарстан кадет корпусы» музее алды.
Конкурсның лауреаты – Казанның Киров районы «Заречье» балаларга өстәмә белем бирү үзәге» музее.