Татарстан МАХтагы Сферумда актив укытучылар саны буенча алда бара
Татарстан Сферумның MAX га күчүен уңышлы узган Россиянең алты пилот төбәге исәбенә керде. Хәзер сервистан илнең барлык төбәкләрендә дә куллана алалар, ә безнең төбәк милли мессенджерда актив укытучылар саны буенча алда бара.
Бу хакта бүген Татарстан мәгариф системасында цифрлы ресурслардан файдалану мәсьәләләре буенча республика киңәшмәсендә VK стратегик проектлар буенча вице-президент Рөстәм Хәйбуллов хәбәр итте.
"Процесс бик актив бара, мартта 40 миллионнан артык кулланучы теркәлгән, 15 миллионнан артык кеше бер-берсенә шалтырата. Бу ярты ел элек төзелгән платформаның югары йөкләнешләргә әзер булуы, күпмиллионлы аудиториягә чыдавы турында сөйли. Мәгариф системасында моңа аерым басым ясалды, без Сферум аудиториясен МАХга актив күчерәбез ", - дип сөйләде ул.