Сергей Кравцов 10-11 сыйныфлар өчен җәмгыять белеме буенча бердәм дәреслекләр тышлыгы макетлары проектын тәкъдим итте
РФ мәгариф министры Сергей Кравцов Федерация Советының Фән, мәгариф һәм мәдәният комитетының киңәйтелгән утырышында гомуми белем бирү оешмаларын дәреслекләр белән тәэмин итү мәсьәләләре буенча чыгыш ясады. Утырышны комитет рәисе Лилия Гомәрова үткәрде.
Ул 5 нче сыйныфтан 11 нче сыйныфка кадәр тарих буенча дәүләт дәреслекләре төзелүен искәртте. Мәктәпләр бердәм линейкага этаплап күчә. 2025 елның 1 сентябреннән - 5-7 нче сыйныфлар. 2026 елның 1 сентябреннән 8-9 нчы сыйныфлар күчәчәк.
Сергей Кравцов 2026 елның 1 сентябреннән укучылар җәмгыять белемен яңа программалар буенча өйрәнә башлаячак, дип өстәде. Ул шулай ук сенаторларга әлеге фән буенча 10 нчы һәм 11 нче сыйныфлар өчен дәреслекләр тышлыгы макетларын тәкъдим итте. Россия Мәгариф министрлыгы башлыгы башка дәреслекләрне әзерләү дәвам итә, дип өстәде.