600 тәрбия эшләре буенча директор киңәшчеләре Россиянең өч педогогик югары уку йортында квалификацияләрен күтәрә
Мәскәү педагогика дәүләт университеты, К.Д. Ушинский исемендәге Ярослав дәүләт педагогика университеты һәм К.Минин исемендәге Түбән Новгород дәүләт педагогика университетында «Гомуми белем бирү оешмаларында балалар иҗтимагый берләшмәләре белән тәрбия һәм хезмәттәшлек буенча директор киңәшчесе эшчәнлеге» квалификациясен күтәрү программасы гамәлгә ашырыла. Анда Россиянең 30 төбәгеннән 600 белгеч катнашты.
Биш көн дәвамында алар балалар һәм яшьләр белән нәтиҗәле эшләү өчен яңа компетенцияләр үзләштерәчәк, шулай ук заманча тәрбия эшенең актуаль темалары буенча фикер алышачак, гамәли дәресләрдә булачак.
29 сентябрьдән 10 октябрьгә кадәр шундый курслар Чечен, Армавир, Красноярск һәм Урал дәүләт педагогика университетлары базасында, шулай ук «Океан» Бөтенроссия балалар үзәгендә узды. Аларда тәрбия буенча 500 гә якын директорлар киңәшчесе катнашты.