Рәсми хәбәр
Мәктәпләрдә 12 еллык белем бирүне кертергә һәм балаларны мәктәптә алты яшьтән укыта башларга кирәк дигән хәбәрләр барлыкка килү сәбәпле Россия Мәгариф һәм фән министрлыгы хәбәр итә.
Бүген Россиядә белем бирү системасы төрле яшьтәге укучылар тарафыннан уку материалларын нәтиҗәле үзләштерүне тәэмин итәргә мөмкинлек бирә. Уку программалары укучыларның яшенә туры килү белән бергә, һәр баланың үсеш үзенчәлекләрен исәпкә алу өчен төзелгән. Кертелгән федераль дәүләт белем бирү стандартлары һәм федераль программалар илнең һәр мәктәбендә сыйфатлы белем бирүне тәэмин итә. Россия Мәгариф министрлыгы контроль эшләр һәм өй эшләре күләмен көйләү буенча эш алып бара. Контроль эшләренең максималь күләме уку вакытының гомуми күләменнән 10% тан артмаска тиеш. Моннан тыш, Роспотребнадзор белән килештерелгән, өй эшләрен башкаруга бирелә торган вакытның бердәм нормативлары расланды.
Гамәлдәге механизмнар Россия мәктәп белеме сыйфатының югары дәрәҗәсен сакларга һәм һәр бала өчен сыйфатлы белем алу мөмкинлеген үтәргә мөмкинлек бирә.
Теләсә нинди яңа инициатива җентекләп фикер алышу һәм экспертиза узарга, һөнәри берлекнең, ата-аналарның һәм укучыларның үзләренең фикерен исәпкә алырга тиеш.