Сергей Кравцов Липецк өлкәсендә Россия Мәгариф министрлыгы коллегиясенең күчмә утырышын үткәрде
РФ мәгариф министры Сергей Кравцов Липецк өлкәсендә Россия Мәгариф һәм фән министрлыгы коллегиясенең күчмә утырышын үткәрде. Ведомствоның профильле департаментлары директорлары һәм ведомство буйсынуындагы оешмалар җитәкчеләре белән бергә ул министрлыкның төп проектларына йомгак ясады, шулай ук мәгариф һәм тәрбия системасында актуаль инициативаларны гамәлгә ашыру буенча планнар турында фикер алышты.
Көн тәртибендәге мәсьәләләрнең берсе В.С. Леднев исемендәге Укыту эчтәлеге һәм ысуллары институты тарафыннан эшләнгән «Бережная школа» проектының концепциясен раслау булды. Россия Мәгариф министрлыгының Кадрлар сәясәте департаменты директоры Ирина Кокоева хәбәр иткәнчә, проект РФ Президенты йөкләмәсе буенча гамәлгә ашырыла. Аның нәтиҗәләре төбәкләрдә бюрократик йөкләнешнең кимүен күрсәтә.
Бюрократик йөкләнешне киметү механизмнары апробацияләнгән, үз нәтиҗәлелеген күрсәткән һәм Россия мәгариф министры Сергей Кравцов йөкләмәсе буенча РФнең барлык төбәкләрендә 2026 елның гыйнварыннан тиражланачак. Проектны гамәлгә ашыруның төбәк тәҗрибәсе турында Владимир өлкәсе мәгариф министры Светлана Болтунова сөйләде.
Дәүләт гомумбелем бирү сәясәте һәм мәктәпкәчә белем бирүне үстерү департаменты директоры Александр Реут бердәм дәүләт дәреслекләре төзү эше турында мәгълүмат бирде.
Тагын бер мәсьәлә - математика һәм табигый-фәнни фәннәр укытучыларын 2030 елга кадәр чорга математика һәм табигый-фәнни белем бирү сыйфатын яхшырту чаралары планын гамәлгә ашыру кысаларында әзерләү. Бу юнәлештә уңышлы тәҗрибәләр турында Дәүләт мәгариф университеты ректоры Наталия Наумова һәм өстәмә белем бирү буенча МПГ проректоры сөйләде.
Очрашу барышында мәктәпләрне ремонтлау, укытучыларга ярдәм итү, һөнәри юнәлеш бирү эше, урта һөнәри белем бирү учреждениеләрен трансформацияләү, балалар ялы системасын үстерү турында фикер алыштылар. «Яшьләр һәм балалар» илкүләм проекты кысаларында киләсе елда Липецк өлкәсенең 36 мәктәбендә капиталь ремонт ясау планлаштырыла.