Робот техникасы буенча беренче Ачык бөтенроссия технологик олимпиадасының сайлап алу этабы башланды

2025 елның 23 октябре, пәнҗешәмбе

Робото техникасы буенча беренче Ачык бөтенроссия технологик олимпиадасының дистанцион сайлап алу этабына старт бирелде. Ул 22 октябрьдән 29 октябрьгә кадәр дәвам итәчәк һәм 9-11 сыйныф укучыларын берләштерәчәк.

Мәктәп укучыларына заманча технологияләр өлкәсендәге белемнәрен һәм күнекмәләрен күрсәтергә, пилотсыз очу аппаратларын (БПЛА), мобиль роботларны һәм электрониканы программалаштыру буенча биремнәрне үтәргә туры киләчәк. Шулай ук алар алгебра һәм геометрия буенча биремнәрне үтәячәкләр.

Иң яхшы 400 катнашучы финалга Мәскәүгә юл тотачак, ул ноябрь аенда пилотсыз авиация системалары федераль үзәге базасында узачак.

Йомгаклау этабы кысаларында укучылар өчен мәгариф, мәдәни һәм күңел ачу программалары оештырылачак. Ярышны ябу тантанасы 22 декабрьдә узачак.

Олимпиадада җиңү Россиянең әйдәп баручы техник югары уку йортларына кергәндә ташламалар бирә.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International