«Җылылык»: Казан яшьләре өчен медиа нигезләре буенча белем интенсивы үткәреләчәк

2025 елның 23 октябре, пәнҗешәмбе

Казанда медиа, PR һәм SMM белгечләре очрашуында катнашу өчен гаризалар кабул ителә башлады. «Тепло» белем бирү программасына 5 ноябрьгә кадәр язылырга мөмкин. Вакыйга 8 ноябрьдә «УРАМ» экстрим-паркында узачак.

Көндезге интенсив программада - PR, SMM, маркетинг, контент-менеджмент һәм блогинг темалары буенча фикер лидерлары һәм инфлюэнсерлар белән лекцияләр, мастер-класслар һәм дискуссияләр.

Белем бирү программасында катнашу өчен 5 ноябрьгә кадәр сылтама буенча анкета тутырырга кирәк. Гариза кампаниясе тәмамланганнан соң оештыручылар катнашучылар белән шәхси элемтәгә керәчәк һәм программага чакырачак.