Илкүләм технологик олимпиадага (НТО) гаризалар 4 ноябрьгә кадәр кабул ителә
2025 елның 4 ноябренә кадәр Илкүләм технологик олимпиадада (HTO) катнашуга теркәлергә мөмкин. Гаризалар Россия Федерациясенең барлык регионнары һәм күп кенә чит илләр вәкилләреннән кергән инде.
НТО укучыларга инженер, уйлап табучы яки тикшеренүче һөнәренә беренче адым ясарга һәм илнең технологик киләчәгенең бер өлеше булырга ярдәм итә.
8-11 сыйныф укучылары өчен «өлкән трек» ачылды, анда 35 профиль тәкъдим ителгән. Катнашу бушлай. Балалар, акрынлап технологияләр дөньясына кереп, эшне гади биремнәрдән башлый алалар.
Олимпиадада катнашу реаль инженерлык бурычларын хәл итәргә, үзара хезмәттәшлек тәҗрибәсен тупларга, БДИда 100 гә кадәр балл алырга яки имтиханнарсыз вузларга укырга керергә, илнең әйдәп баручы компанияләрендә стажировка узарга мөмкинлек бирә.
НТОның көндезге финалы бөтен ил буйлап узачак. Олимпиадада катнашу өчен интеллектуаль ярышның рәсми сайтында гариза бирергә кирәк.