КФУның Алдынгы инженерлык мәктәбе директоры "Ростех" фәнни-техник советы утырышында катнашты
КФУның Алдынгы инженерлык мәктәбе директоры Дмитрий Панкратов «Ростех» дәүләт корпорациясенең Фәнни-техник советының «Продукция гражданского назначения» секциясе утырышында катнашты, ул Мәскәүдә корпорация мәйданчыгында узды.
«Алдынгы инженерлык мәктәпләре» проекты «Яшьләр һәм балалар» илкүләм проекты кысаларында гамәлгә ашырыла. Әлеге мәгариф үзәкләре заманча сәнәгатьнең югары квалификацияле инженерларын әзерләү өчен югары технологияле компанияләр белән берлектә әйдәп баручы югары уку йортлары төзегән яңа типтагы учреждениеләрдән гыйбарәт.
КФУ конкурста җиңү яулады һәм югары уку йортына югары технологияле программалар һәм проектлар гамәлгә ашыручы эре компанияләр белән партнерлыкта университет базасында алдынгы инженерлык мәктәбен булдыруга субсидия рәвешендә грант бүлеп бирелде. Эре индустриаль партнер - «КАМАЗ» ГАҖ.