Икшермә кадет мәктәбендә яңа директор тәкъдим иттеләр

2025 елның 23 октябре, пәнҗешәмбе

21 октябрьдә “Байкиев исемендәге Икшермә кадет интернат-мәктәбе” дәүләт бюджет мәгариф учреждениесендә яңа җитәкчене тәкъдим итү тантанасы булды. Директор итеп Хәсәнов Илнат Илшат улы билгеләнде.

Чара Татарстан Республикасы мәгариф һәм фән министры урынбасары Минзәлия Закирова һәм Саба муниципаль районы мәгариф идарәсе башлыгы Илфат Шакиров катнашында узды.

Тантанада катнашучылар мәктәпне алты ел җитәкләгән элеккеге директор Айрат Һидиятуллинга рәхмәт белдерделәр.