"Тизрәк исән-сау әйләнеп кайтсыннар өчен": Түбән Кама балалар бакчаларында тәрбияләнүчеләр МХО сугышчыларына хатлар яза
93 нче “Әллүки” балалар бакчасында зур игелекле эшләр алып барыла. Педагоглар, ата-аналар һәм хәтта иң кечкенә тәрбияләнүчеләр дә махсус хәрби операция катнашучыларына ярдәм итүгә үз өлешләрен кертәләр.
Балалар бакчасында даими рәвештә гуманитар ярдәм җыялар, ә быел яздан башлап монда, махсус җайланмада, маскировка челтәрләре үрәләр. Аларны инде иллегә якын әзерләгәннәр. Баштарак хезмәткәрләр волонтерлык үзәгенә йөргән булсалар, хәзер бөтен коллектив бу эшкә кушылган.
Ярдәм моның белән генә чикләнми әле. Балалар бакчасында тәрбияләнүчеләр даими рәвештә солдатларга хатлар язалар һәм открыткалар ясыйлар. Бүген әзерлек төркеме нәниләре “Көзге изгелек атнасы” акциясендә катнаштылар.
"Минемчә, бу хат минем абыема эләгәчәк, - ди Мәдинә Шамбазова. - Тизрәк тынычлык, мәңгелек гаилә һәм дуслык булсын".
Хатларны балалар конвертларга салып, "солдат почтасына" салалар.