Казанда һәм Яр Чаллыда миллиард сумнан артыкка ике мәктәп төзеләчәк

2025 елның 24 октябре, җомга

Казанда һәм Яр Чаллыда һәрберсе 1224 урынга исәпләнгән мәктәпләр төзү планлаштырыла. Мәгълүмат дәүләт сатып алулары порталында урнаштырылган.

Татарстан башкаласында мәгариф учреждениесе 621,6 млн сумга төшәчәк, ә автошәһәрдәге мәктәпне төзүгә 519 млн сумга якын тотылачак. Ике объектны да киләсе елның 31 маена кадәр тәмамларга планлаштыралар.

Акчалар республика бюджетыннан бүленә.