20 мең Россия укытучысы "Мөһим сөйләшүләр" проекты кысаларында белем ала
Россиянең барлык төбәкләрендә «Мөһим сөйләшүләр» дәрестән тыш эшчәнлек курсларын гамәлгә ашыручы педагогик хезмәткәрләр һәм идарәче кадрлар өчен квалификация күтәрү курслары уза. Өстәмә һөнәри программалар буенча педагогларны укыту Россия Федерациясе Мәгариф министрлыгы эгидасы астында балачакны, гаиләне һәм тәрбияне өйрәнү институты тарафыннан оештырылган. Квалификация күтәрү курсларынның тыңлаучылары барлык төбәкләрдән 20 мең кеше - бу укучылар белән атна саен "Мөһим сөйләшүләр" дәресләре уздыручы мәктәп һәм көллият укытучылары, шулай ук дәрестән тыш эшчәнлекне оештыру өчен җаваплы мәгариф оешмалары җитәкчеләре.
Ноябрь ахырына кадәр квалификация күтәрү курслары көндезге форматта Россиянең 45 төбәгендә узачак. Киров, Самара һәм Новосибирск өлкәләре, Саха Республикасы (Якутия) һәм Чуваш Республикасы педагоглары укуларны төгәлләде инде. Россия Федерациясенең 44 субъектында читтән торып белем бирү технологияләрен кулланып, дистанцион укытуны уздыру планлаштырыла.