Чаллыда VIII «Содружество сердец» тәрбиягә бала алучы гаиләләр фестивале узды
Чаллыда Татарстан Республикасының төньяк- көнчыгыш зонасының тәрбиягә бала алучы гаиләләр фестивале узды. Фестивальнең төп катнашучылары Чаллы шәһәренең һәм республиканың социаль позициясе һәм балаларны тәрбияләүнең уңай тәҗрибәсе белән аерылып торган тәрбиягә бала алган гаиләләре булды. Чарада 100дән артык кеше катнашты.
Фестиваль программасына «Шатлык» муниципаль мәдәният үзәгенең һәм «Рябинушка» халык вокаль ансамбленең иҗат коллективлары чыгышлары, тәрбиягә бала алган ата-аналарның гаилә тормышы турында сөйләүләре, гаилә иҗаты эшләре күргәзмәсе кертелгән иде.
Чарада тәрбиягә алган гаиләләрне һәм республика районнарының опека һәм попечительлек органнары җитәкчеләрен уңышлы хезмәттәшлек өчен бүләкләү булды.
Фестиваль программасында катнашучылар өчен чәй өстәле оештырылды, шулай ук кыйммәтле бүләкләр, чәчәкләр һәм рәхмәт хатлары тапшырылды.