27 октябрь - Халыкара мәктәп китапханәләре көне

2025 елның 27 октябре, дүшәмбе

Хөрмәтле мәктәп китапханәчеләре!

Сезне һөнәри бәйрәмегез белән котлыйбыз! Сезнең эшегез - үсеп килүче яшь буынның белемен, мәдәниятен һәм рухи дөньясын үстерүгә зур өлеш кертү. Сез балаларга белем дөньясына ишекләр ачасыз, укуга мәхәббәт тәрбиялисез, һәркемгә үз китабын табарга ярдәм итәсез.

Китапханәләрегез һәрвакыт укучылар белән тулып торсын, ә сезнең һөнәргә бирелгәнлегегез һәм тырышлыгыгыз тиешенчә бәяләнсен!

Сезгә нык сәламәтлек, илһам, уңышлар телибез! Хезмәтегез шатлыклы, кызыклы булсын һәм уңай хис-кичерешләр генә китерсен.