Дмитрий Чернышенко: 2025 елда балалар өчен ял итү урыннары саны арткан - балаларны өстәмә рәвештә 400 дән артык балалар лагере кабул иткән
Россия Хөкүмәте Рәисе урынбасары Дмитрий Чернышенко 2025 елгы җәйге сәламәтләндерү кампаниясе нәтиҗәләре буенча киңәшмә үткәрде. Катнашучылар быелгы кампания нәтиҗәләренә йомгак ясадылар һәм 2026 елга бурычлар турында фикер алыштылар.
Вице-премьер билгеләп үткәнчә, бу ел уникаль - берьюлы өч федераль балалар үзәге юбилейларын билгеләп үтте: "Артек"ка- 100, "Орленок"ка- 65, "Смена"га – 40 ел.
2025 елда Россия Мәгариф министрлыгы инициативасы белән мәгариф системасында балалар ялы елы булды.
2025 елның җәендә балалар лагерьлары эшендә 720 меңнән артык кеше җәлеп ителгән, шуларның 195 меңнән артыгы - педагоглар, 88 меңнән артыгы - вожатыйлар. 2025 елда Министрлык тарафыннан "Россиянең иң яхшы вожатый" күкрәк билгесе расланды.
Мәгариф министры хәбәр иткәнчә, быел балалар лагерьларында махсус хәрби операциядә катнашучылар гаиләсеннән 227 меңнән артык бала ял иткән, бу узган ел белән чагыштырганда 38,2 процентка күбрәк.