Казанда Идел буе республикаларының милли әдәбиятлары турында фикер алыштылар

2025 елның 27 октябре, дүшәмбе

22-24 октябрьдә Казан федераль университетының Филология һәм мәдәниятара багланышлар институтында «Идел буе республикаларының милли әдәбиятлары: мәдәниятара багланышлар мәсьәләләре» темасына Халыкара фәнни-гамәли конференция узды. Конференция эшендә Россия Федерациясенең фәнни оешмаларыннан һәм югары уку йортларыннан галимнәр, гомуми белем бирү оешмалары укытучылары катнашты.

Конференция кысаларында пленар утырыш, биш секция эше һәм татар теле һәм әдәбияты укытучылары өчен методик семинар оештырылды. Барлык катнашучылар да Татарстан Республикасының «Белем» мәгариф музеенда булдылар.

Конференция «Татарстан Республикасында милли сәясәтне гамәлгә ашыру» дәүләт программасы кысаларында уздырылды.