Татарстан җыелма командасы «Яңа биеклек» пилотсыз авиасистемалары буенча Бөтенроссия турнирында 5 медаль яулады
12 декабрьдә Калугада үткән пилотсыз авиация системалары (БАС) "Яңа биеклек" буенча Бөтенроссия турниры финалына йомгак ясадылар. Ярышлар 9 декабрьдән 12 декабрьгә кадәр барды һәм Россиянең 29 төбәгеннән, педагогик һәм һөнәри бергәлек вәкилләре, пилотсыз авиасистемалар җитештерүчеләр, шулай ук Кытай Халык Республикасыннан мактаулы кунаклар җыелды.
Татарстан Республикасыннан 9 кешедән торган команда катнашты, аның составына Казан шәһәренең Инженерлык лицее укучылары һәм Лаеш техник-икътисадый техникумы студентлары керде. Катнашучылар тугыз төрле номинациядә ярыштылар.
Татарстан җыелма командасы 5 медаль яулап, югары нәтиҗәләр күрсәтте. "Гонщик БАС" номинациясендә мәктәп дивизионының бронза призеры Артур Биктаһиров булды.
Татарстан спортчылары “Дрон-футбол” номинациясендә иң зур уңышка ирештеләр, анда алар 4 медаль яуладылар:
Алтын:
Рүзәл Миңнуллин (студентлар дивизионы)
Даниил Федотов (мәктәп дивизионы)
Көмеш:
Рәсим Сабиров (студентлар дивизионы)
Артур Биктаһиров (мәктәп дивизионы)
Турнирны Россия Мәгариф министрлыгы һәм Һөнәри белем бирүне үстерү институты оештырды. Ярышлар «Пилотсыз авиация системалары» илкүләм проектының «Пилотсыз авиация системалары өчен кадрлар» федераль проекты кысаларында үткәрелде.