Эксперт Солодилова: «Мәктәпләрдә балалар белән конфликтлар килеп чыкканда эш итүнең төгәл алгоритмы кертеләчәк»
Укучылар белән килеп чыккан конфликтлы хәлләрдә укытучыларның гамәлләре буенча типик инструкцияләр эшләүнең төп максаты белем бирү даирәсендә конфликтлар санын киметү. Бу хакта Бөтенроссия мәгариф профсоюзы рәисе һәм укытучыларның һөнәри намусын һәм абруен яклау Советы рәистәше Лариса Солодилова сөйләде.
Россия Мәгариф министрлыгы укучылар белән конфликтлы хәлләрдә укытучыларның эш итүе буенча инструкцияләр проектын раслады. Документ ике өлештән тора: берсе мәгариф оешмалары җитәкчеләре өчен, икенчесе укытучылар өчен билгеләнгән.
Материалларда укучылар белән конфликтлар барлыкка килгәндә гамәлләрнең төгәл алгоритмы язылган. Ул киеренке хәлләрне җайга салуга, укучыларның куркынычсызлыгын тәэмин итүгә һәм кабат инцидентларны булдырмауга юнәлтелгән.
Солодилова сүзләренә караганда, Совет утырышта типовой инструкцияләрне хуплады, чөнки алар конфликтлы вәзгыять барлыкка килгәндә эшләргә тиешле гамәли адымнарны үз эченә ала. Документны эшләүдә Мәгариф министрлыгы, профильле департаментлар һәм медиация хезмәте, шулай ук үз рекомендацияләрен керткән Совет экспертлары катнашты.
Солодилова билгеләп үткәнчә, инструкцияләрдә һәр укытучы белергә тиешле төп мәгълүмат җыелган.