Татарстанда «Белем» ата-аналар белән аралашу өчен мохит тудыра
«Белем» Россия җәмгыяте Казанның 15 нче номерлы мәктәбе белән берлектә «Ата-ана мохите» агарту проектын гамәлгә ашыра. Ул укытучылар, экспертлар һәм укучылар гаиләләре арасында диалог өчен яңа киңлек булдыруны күздә тота. Инициатива 2025 елда старт алды һәм катнашучыларның уңай фикерләре аркасында дәвамы булды.
Чаралар форматы тере аралашуны күздә тота: лекторлар лекцияләр генә укымыйлар, аудиторияне әңгәмәгә дә җәлеп итәләр, кызыксындырган сорауларга җавап бирәләр һәм практик чишелешләр табарга ярдәм итәләр.
2026 елда әти-әниләр өчен беренче лекцияне доцент, психология фәннәре кандидаты Надежда Ванюхина үткәрде. Ул гаилә һәм мәктәпнең балаларны тәрбияләүдә хезмәттәшлек итүе турында сөйләде.
Лекцияләр атна саен чәршәмбе көннәрендә үтәчәк. Проектка төбәкнең башка мәктәпләрен дә җәлеп итү планлаштырыла.