Казан укучылары "Бердәм Россия" проекты кысасында вертолет заводында булдылар
"Бердәм Россия" иҗтимагый ярдәм штабы Казан укучылары өчен «Моя карьера с Единой Россией» һәм "Игътибар! Һөнәр" проектлары кысаларында вертолет заводына экскурсия оештырды.
131 нче лицейның 10 сыйныф укучылары өчен танышу завод музееннан башлады. Музей мөдире Валерий Соломахин предприятие тарихы турында лекция үткәрде. Бүген музей 450 квадрат метр мәйдан алып тора һәм анда 7 мең тирәсе экспонат саклана, шул исәптән беренче самолет моделе "этажерка" һәм легендар У-2.
Балалар шулай ук җитештерүнең ничек үсүен һәм төрле елларда нинди технологияләр кулланылуын белделәр, шулай ук Ми-8, Ми-38 һәм «Ансат» сериясе вертолетларын җыю процессы белән таныштылар.
Программа барышында укучыларга заводта практика үтү мөмкинлекләре һәм эшкә урнашу перспективалары турында сөйләделәр.