Лисичанск һәм Рубежныйның мәктәп укучылары дүртенче тапкыр Алабугага укырга килделәр

2026 елның 26 феврале, пәнҗешәмбе

Инде дүртенче тапкыр Татарстан Республикасы шефлыгында булган ЛНРның Лисичанск һәм Рубежный шәһәрләренең өлкән сыйныф укучылары республика Хөкүмәте чакыруы буенча Алабугага юл тоттылар. Быел 11 укучы укуларын 11 сыйныфта дәвам итәчәк. Укучыларны Татарстан Премьер-министры урынбасары Ринат Садыйков озатты.

Балалар КФУның Алабуга институтының "Университет" мәктәбендә укыячак, анда алар урта гомуми белем бирү программасын үзләштерәчәкләр. Алар өчен уку планы әзерләнгән һәм дәресләр расписаниесе төзелгән.

Дәресләрдән тыш, укучылар университет мәктәбендә бай эчтәлекле тәрбия эше һәм студентлар советы органнарының актив эшчәнлеге кысаларында уза торган чараларда да катнашачаклар.