Алабугага Университет мәктәбендә уку өчен Лисичанск һәм Рубежныйдан 11 бала килде

2026 елның 3 марты, сишәмбе

Алабугага Татарстан Хөкүмәте чакыруы буенча Лисичанск һәм Рубежныйдан 11 укучы һәм аларны озата баручы укытучылар килде. Укучылар КФУның Алабуга институтының университет мәктәбендә укыячаклар.

Аларны студентлар тулай торагына урнаштырдылар, аларга бүләкләр: канцтоварлар тутырган рюкзаклар һәм университет мәктәбе укучыларының значоклары әзерләгәннәр. Алар өчен мәктәп дәресләре, югары уку йорты мөгаллимнәре белән өстәмә дәресләр әзерләнгән, шулай ук бай мәдәни-ял итү программасын да үз эченә алган махсус укыту планы эшләнгән.