«Театр+ Мәктәп»: Казан яшь тамашачы театры драматургия конкурсына гаризлар кабул итә башлады
Казан дәүләт яшь тамашачы театры «Театр+ Мәктәп» мәктәп театрлары өчен драматургия бәйгесенең башлануы турында игълан итте. Катнашуга 14 яшьтән алып башлап килүче һәм тәҗрибәле авторлар чакырыла. Гаризаны 31 майга кадәр тапшырырга мөмкин.
Конкурс өч номинациядә уздырыла: «Мәктәп театры өчен бәйрәмнең иң яхшы сценарие», «Мәктәп театры өчен иң яхшы пьеса» һәм «Балалар балалар өчен яза» (14 яшьтән 18 яшькә кадәрге авторлар тарафыннан иҗат ителгән текстлар). Конкурсны уздыруның таләпләре, сроклары һәм тәртибе белән Кушымтада танышырга мөмкин.
Катнашу өчен барлык теләүчеләргә анкета тутырырга һәм әсәрнең текстын электрон адреска җибәрергә кирәк: teatr_shkola@mail.ru.
Конкурс йомгаклары буенча һәр номинациядә берәр җиңүчеләр билгеләнәчәк. Финалистларга дипломнар һәм акчалата бүләкләр тапшырылачак.