Казанда сәнгать буенча Бөтенроссия укучылар олимпиадасының төбәк һәм йомгаклау этапларына йомгак ясалды

2026 елның 5 марты, пәнҗешәмбе

28 февральдән 3 мартка кадәр Татарстан Республикасында сәнгать буенча бөтенроссия һәм республика олимпиадаларының йомгаклау этабы узды. Анда Казаннан, Чаллыдан һәм республиканың 30 муниципаль районыннан 280 гә якын укучы катнашты.

Олимпиада ике өлештән торды:

- теоретик тур — архитектура, рәсем сәнгате, скульптура, музыка, театр һәм кино мәсьәләләре;

- тәкъдим ителгән картиналарның берсе буенча иҗади тур-эссе.

Республика олимпиадасының йомгаклау этабында Чаллы шәһәренең 76 нчы гимназиясенең 8 нче сыйныф укучысы Сыртланова Солтана җиңүче булды.

Бөтенроссия олимпиадасының төбәк этабында 21 җиңүче билгеләнде, ә 100 дән артык укучы призер булды.