Татарстанда 539 меңнән артык укучы һәм укытучы MAX мессенджерына күчте

2026 елның 10 марты, сишәмбе

Татарстанның мәгариф системасы, укытучылар, укучылар һәм аларның әти-әниләрен берләштереп, MAX милли мессенджеры белән тулысынча интеграцияләнде. Бу хакта ТР Министрлар Кабинетында узган брифингта ТР мәгариф һәм фән министрының беренче урынбасары Рәмис Мөҗипов хәбәр итте.

Аның сүзләренчә, 2026 елның 4 мартына мессенджерда белем бирү процессында 539 007 катнашучы теркәлгән. Шуларның 329 234 - мәктәпләрдә, 89 852 - балалар бакчаларында, 75 284 - урта һөнәри белем бирү учреждениеләрендә, 43 260 - мәгариф оешмаларында һәм 1377 - мәгариф идарәләрендә.

MAX да рәсми мәктәп каналлары саны 1333 кә җиткән, аларның язылучылары саны - 447 989. Татарстанның барлык 45 югары уку йорты да мессенджерда каналлар һәм чатлар булдырды.