Казанда «Укытучы йорты» 2026 елда төзелеп бетәчәк

2026 елның 11 марты, чәршәмбе

Агымдагы елда Казанда «Укытучы йорты» төзелеше тәмамланырга тиеш. Бу хакта "Казан ел укытучысы - 2026" конкурсында җиңүчеләрне бүләкләү тантанасында шәһәр мэры Илсур Метшин хәбәр итте.

«Безнең укытучылар һәм тәрбиячеләр квалификацияләрен күтәрә һәм тәҗрибә уртаклаша алсын өчен, без Мәгариф хезмәткәрләре йортын һәм Укытучылар йортын төзибез. Быел тәмамларга планлаштырабыз», - диде ул.