Казан галимнәре куркыныч инфекцияләрне диагностикалауның яңа ысулын уйлап тапкан
Казан федераль университеты һәм Санкт-Петербургның «ЛЭТИ» дәүләт электротехника университеты фәнни коллективы гиперспектраль анализның («оптического отпечатка» технологиясе) реаль вакыт режимында биопленкаларның бактериаль бергәлекләренең төр составын билгеләргә һәм аларда куркыныч микроорганизмнар булуын ачыкларга сәләтле булуын күрсәткән.
Бу инфекцияләрне нәтиҗәле дәвалауга ачкыч булырга мөмкин, дип ассызыкладылар КФУ матбугат хезмәтендә.
Кеше һәм хайваннарның йогышлы авыруларының күпчелеге теге яки бу дәрәҗәдә биопленкалар - микроорганизмнар бергәлеге алар бүлеп чыгарган саклагыч матрикска чумган катлаулы структуралар барлыкка килүгә бәйле. Әлеге күзәнәктән тыш полимер субстрат бактерияләр өчен ышанычлы сыену урыны булдыра, аларны иммун системасына бирешмәслек һәм микробларга каршы препаратларга чыдам итә.
Эшнең төп максаты - биопленкалар составын инвазив диагностикалау өчен гиперспектраль анализ мөмкинлекләрен бәяләү.