Татарстан кадет корпусы укучылары «Россиянең милли байлыгы» конкурсында җиңү яуладылар
Мәскәүдә укучылар һәм студентларның (14-25 яшь) тикшеренү күнекмәләрен үстерүгә юнәлдерелгән «Россиянең милли байлыгы» Бөтенроссия конкурсы тәмамланды. Конкурс ике этапта узды: читтән торып (материалларны сайлап алу) һәм көндезге (эшләрне Мәскәүдә яклау).
Татарстан Республикасыннан Советлар Союзы Герое Гани Сафиуллин исемендәге Идел буе федераль округының Татарстан кадет корпусы бик яхшы нәтиҗәләр күрсәтте.
Даниил Мадияров (җитәкчесе — Е.В. Орлова) беренче урын, Яков Титов (җитәкчесе — Е.В. Орлова) икенче урынны алды.
Ярослав Еремин беренче урынны һәм «россия фәненең киләчәге «тикшеренү һәм проект эшчәнлегендәге уңышлары өчен» медаленә лаек булды (җитәкчесе — Н. В.Алексеенкова). Идел буе федераль округының Татарстан кадет корпусы педагогы Елена Витальевна Орлова шулай ук яшь тикшеренүчеләрне әзерләүгә керткән өлеше өчен «Милли байлык» алтын билгесенә лаек булды.