Бөтенроссия укучылар олимпиадасының йомгаклау этабы башлана
Илнең барлык төбәкләреннән 9 меңнән артык укучы бөтенроссия укучылар олимпиадасының йомгаклау этабында катнашырга чакырылган, аны Мәгариф министрлыгы «Яшьләр һәм балалар» илкүләм проектының «Иң яхшысы балаларга» федераль проекты кысаларында үткәрә. 24 гомуми белем бирү предметы буенча финал ярышлары 14 марттан 3 майга кадәр узачак.
РФ мәгариф министры урынбасары Колударова билгеләп үткәнчә, мәктәп укучыларының бөтенроссия олимпиадасының финалына юл – ул тырыш хезмәт, зур әзерлек һәм максатчанлык нәтиҗәсе.
Беренчеләрдән булып Икътисад (14 март) һәм испан теле (15 март) буенча ярышлар башлана. Ярышларны Мәскәү өлкәсе һәм Мәскәү кабул итәчәк.
Барлык олимпиадаларда катнашучылар өчен белем бирү һәм экскурсия программалары, мастер-класслар, иҗади чаралар оештырылачак.
Олимпиада финалын ачу һәм ябу тантаналары, шулай ук Россия халыклары бердәмлеге елына багышланган чаралар туры эфирда трансляцияләнәчәк.