Түбән Кама районында яшүсмерләр һәм ата-аналар белән яңа форматларда эшли башладылар
Түбән Кама районында укучының мәктәп хезмәткәренә һөҗүменнән соң өстәмә куркынычсызлык һәм профилактика чаралары комплексы гамәлгә ашырыла, дип хәбәр итте муниципаль район башкарма комитеты җитәкчесе Рөстәм Латыйпов эшлекле дүшәмбедә.
Аның сүзләренә караганда, мәгариф учреждениеләрендә психологик ярдәм көчәйтелгән, укучыларга диагностика ясалган, куркыныч төркемдәге яшүсмерләр белән индивидуаль эш оештырылган. Шулай ук мәктәпләрне саклау системасы тикшерелгән һәм эчкә үткәрү режимы көчәйтелгән.
Параллель рәвештә ата-аналар һәм укучылар белән аралашуның ачыкрак һәм ышанычлырак диалог булдыруга юнәлдерелгән яңа форматлары кертелә.
Башкарма комитет башлыгы сүзләренчә, мәктәп укучыларының хокукый культурасын буллинг һәм көч куллануны профилактикалау коралы буларак формалаштыруга аерым игътибар бирелә.