Татарстанда «Аҗаган 2.0» катнашучыларының остазлары махсус хәрби операция ветераннары
"Аҗаган 2.0" хәрби-патриотик уенында остазларга аерым урын бирелә, бу сыйфатта хәрби хәрәкәтләр ветераннары чыгыш ясый. Проектта катнашучылар инде үсмерләр сорауларына җавап бирүче сугышчылар белән очраша, батырлык, рух көче һәм кыенлыкларны җиңү турында тарихлар белән уртаклаша, дип хәбәр итә оештыручылар.
ТР Дәүләт Советы депутаты, республиканың Спорт советы рәисе Марат Бариев “Аҗаган”ның яңартылган форматта кайтуын мөһим һәм вакытлы адым дип атады. Ул үзе дә элек уенда катнашкан һәм аның никадәр файдалы булуын хәтерли. Аның сүзләренә караганда, проектның заманча версиясе укучыларга үзләрен күрсәтү мөмкинлеге генә түгел, ә практик күнекмәләрне үзләштерергә дә мөмкинлек бирә: командада эшләү, ориентирование, беренче ярдәм күрсәтү, пилотсыз очкычлар белән идарә итү. Бариев ассызыклаганча, уен гражданлык, ватанпәрвәрлек һәм ил өчен җаваплылык тәрбияли.