Тиздән Татарстанның “Ел укытучысы” кем булачагы билгеле булачак

2026 елның 19 марты, пәнҗешәмбе

23 март көнне «Әкият» Татар дәүләт академия курчак театрында «Россиянең ел укытучысы» Бөтенроссия конкурсының төбәк этабына йомгак ясаячаклар һәм Татарстан Республикасының 2026 елгы укытучысының исемен атаячаклар. Ә әлегә Бөтенроссия конкурсының төбәк этабының II туры катнашучылары һөнәри осталыкта ярышуларын дәвам итә. Бүген, 18 мартта, “Адымнар - белем һәм татулыкка юл” полилингваль комплексы базасында алар мастер-класслар үткәрделәр.

Бүген «Ел укытучысы» номинациясендә 15 финалист һәм «Педагогик дебют» номинациясендә 10 финалист мастер-класслар уздырды. Бу аларның икенче тур кысаларында беренче сынаулары иде.