Биш ел эчендә Россия укучылары төп халыкара олимпиадаларда 210 медаль яулады
Россия җыелма командалары гомумбелем бирү предметлары буенча төп халыкара олимпиадаларда тотрыклы рәвештә югары нәтиҗәләр күрсәтә. Соңгы 5 елда укучылар 210 медаль яуладылар. Балаларны әзерләү һәм аларның интеллектуаль турнирларда катнашуы РФ Мәгариф министрлыгы ярдәмендә “Яшьләр һәм балалар” илкүләм проекты кысаларында оештырылды.
Укучылар илне математика, химия, физика, биология, информатика, география, астрономия һәм юниорлар табигый-фәнни олимпиадасы буенча ярышларда лаеклы тәкъдим итәләр.
Халыкара мәктәп олимпиадаларында җиңүчеләр югары уку йортларына кергәндә акчалата премияләр, грантлар, ташламалар һәм дәүләт дәрәҗәсендә танылу ала. Россиядә федераль премияләр (1 млн сумга кадәр) һәм өстәмә төбәк түләүләр (мәсәлән, Мәскәүдә 1,5 млн сумга кадәр), шулай ук олимпиада профиле буенча имтиханнарсыз югары уку йортларына керү гарантияләнгән.