Казан вертолет заводының җитештерү-укыту үзәгендә 800 гә якын укучы белем ала
Быел Казан вертолет заводының җитештерү-укыту үзәгендә 757 укучы белем ала. Бу үткән елдагыга караганда дүрт тапкырга диярлек күбрәк.
Үзәк 2024 елда Татарстан Республикасы партнерлыгы, "Ростех" дәүләт корпорациясе һәм "Россия вертолетлары" холдингы кысаларында оештырыла. Гәрчә Ростехның җитештерү-укыту үзәкләре Уфада һәм Мәскәүдә эшләсә дә, мәктәп укучылары Казан мәйданчыгында гына шөгыльләнә.
Үзәк барлыгы 15 җитештерү участогын, 12 лабораторияне һәм 21 уку классын үз эченә ала. Монда чын авиация техникасы - Ми-8 һәм "Ансат" вертолетлары кулланыла. Укучыларны 38 төрле һөнәргә өйрәтәләр, алар арасында - токарь, фрезерчы, слесарь, программа белән идарә итүче станоклар операторы һәм көйләүчесе, очу аппаратларының электр җиһазларын монтажлаучы һ.б.лар.
Хәзерге вакытта проектка Казанның һәм Татарстанның 40 тан артык мәктәбе кушылды. 1 сентябрьдән укучылар юнәлеш сайлый. Аннары төркемнәр формалаша һәм мәктәпләр белән берлектә график төзелә: балалар үзәккә атнага бер тапкыр киләләр һәм дүртәр сәгать шөгыльләнәләр. Эшче һөнәрләрдән тыш, укучылар сызым , конструацияләү нигезләре һәм 3D-модельләштерү кебек инженерлык компетенцияләрен үзләштерәләр.