Илсур Һадиуллин «Иң яхшы билингваль балалар бакчасы» конкурсында җиңүчеләрне бүләкләячәк
19 мартта, Казанның Совет районы “Курай” 3 нче балалар бакчасында ТР мәгариф һәм фән министры Илсур Һадиуллин катнашында “Иң яхшы билингваль балалар бакчасы” грантын алуга конкурста җиңүчеләрне бүләкләү тантанасы узачак.
Быел конкурста 29 муниципаль берәмлектән 37 мәктәпкәчә учреждение катнашты: Әгерҗе, Азнакай, Әлмәт, Апас (2), Арча, Балтач, Бөгелмә, Буа, Югары Ослан, Биектау, Алабуга, Зәй, Зеленодольск, Кайбыч, Кукмара, Лаеш, Лениногорск, Мамадыш, Минзәлә, Мөслим, Түбән Кама, Нурлат, Питрәч, Саба, Тукай, Теләче, Чирмешән, Чаллы (4) һәм Казан (4) шәһәрләре.
Әлеге оешмалар 500 мең сум күләмендә грант ярдәме алачак, бу киләчәктә дә билингваль белем бирүне үстерү, балалар мәйданчыкларын җиһазландыру һәм татар һәм рус телләрен өйрәнү өчен уңайлы шартлар тудыру өчен кирәк.