Татарстанда «Ел остасы - 2026» исеменә конкурс төгәлләнде
2021 елда старт алган «Ел остасы» урта һөнәри белем бирү системасының педагогик хезмәткәрләре арасында Бөтенроссия конкурсы мәгариф өлкәсендә алдынгы идеяләрне популярлаштыру, перспективалы педагогик тәҗрибәләрне өйрәнү һәм гамәлгә кертү, шулай ук педагогик һөнәрләрнең абруен күтәрү өчен янә мәйданчык булды. Конкурсны Россия Федерациясе Мәгариф министрлыгы һәм Бөтенроссия мәгариф профсоюзы оештыра, ә федераль оператор - Һөнәри белем бирүне үстерү институты.
Конкурс 13 февральдән 23 мартка кадәр барды.
13 февральдән 20 февральгә кадәр жюри мәгълүмати материалларны бәяләде. Быел сайлап алуга үз проектларын 160 укытучы тәкъдим иткән, шуларның 142се уңай бәя алган.
23 мартта “Әкият” үзәгендә бүләкләү тантанасы узачак. Анда Татарстанда конкурста абсолют җиңүче, төрле категорияләрдә призёрлар, номинантлар һәм лауреатлар игълан ителәчәк. Җиңүче Ямал-Ненец автономияле округында 2026 елның 28 сентябреннән 2 октябренә кадәр узачак конкурсның федераль этабында Татарстан Республикасын тәкъдим итү хокукын алачак.