Казанда Татарстанның ел укытучысы - 2026 исемен атаячаклар

2026 елның 19 марты, пәнҗешәмбе

23 мартта Казанда “Ел укытучысы” бөтенроссия конкурсының төбәк этабына нәтиҗә ясаячаклар һәм Татарстан Республикасының иң яхшы укытучысын атаячаклар. Хәзерге вакытта «Россия ел укытучысы - 2026» Бөтенроссия конкурсының төбәк этабын сынаулар тәмамлана.

«Россия ел укытучысы -2026» Бөтенроссия конкурсы берничә этапта уза: мәктәп, муниципаль, зона, төбәк һәм йомгаклау этаплары. Татарстанның 1800дән артык укытучысы бәйгенең мәктәп этабында катнашты, 900 дән артыгы муниципаль этапта, 92 кеше - зона этабында катнашты. «Россия ел укытучысы - 2026» Бөтенроссия конкурсының төбәк этабында 62 конкурсант катнашты:

«Ел укытучысы» номинациясендә - 38 муниципаль берәмлектән 41 вәкил,

«Педагогик дебют» номинациясендә - 20дән 21 вәкил катнаша.