Мәктәпләрдә Россия республикалары телләре буенча яңа дәреслекләр барлыкка киләчәк
Мәктәпләрдә Россия республикаларының туган һәм дәүләт телләре дәреслекләренең тулы бер линейкалары барлыкка киләчәк. Аларны булдыру өстендә эш Россия Федерациясе халыкларының туган телләре федераль институты белгечләре тарафыннан төбәкләр һәм фәнни-мәгариф оешмалары белән хезмәттәшлектә алып барыла. 2026 елда бу юнәлеш РФ Мәгариф министрлыгы карамагындагы институтта өстенлекле юнәлеш булып кала. Дәреслекләр федераль эш программаларын методик яктан тәэмин итәчәк.
Эшче төркем эшчәнлекне координацияләүне, бердәм методологик алымнар эшләүне һәм дәреслекләр эшләүне экспертлар белән тәэмин итте. Нәтиҗәдә, кулъязмаларны әзерләү белән беррәттән, аларның структурага, эчтәлеккә һәм фәнни-методик дәрәҗәгә карата билгеләнгән таләпләргә туры килүен раслаучы эксперт бәяләмәләре дә алынды.
РФ Президенты Владимир Путин карары белән 2026 ел Россия халыклары бердәмлеге елы дип игълан ителде, быел әзерләнгән дәреслекләргә экспертиза ясау, аларны эшләп бетерү, басмаларны федераль дәреслекләр исемлегенә кертү турында карар кабул итү планлаштырыла.