Сергей Кравцов мәктәпләрдәге финанс грамоталылыгы буенча гамәлдәге программалар турында сөйләде
Россия Мәгариф министрлыгы илебез мәктәпләрендә дәрестән тыш эшчәнлекнең тормышка ашырылуына мониторинг үткәрде. Аның нәтиҗәләре финанс грамоталылыгы буенча курсларга ихтыяҗ зур булуын күрсәтте. Шул рәвешле, башлангыч сыйныф укучылары өчен мондый дәресләр 7,5 меңнән артык мәктәптә, 5–9 сыйныф укучылары өчен — 10 мең уку йортында, ә югары сыйныф укучылары өчен 6 мең белем бирү оешмасында оештырылган.
Дәресләр укучыларда акча белән эш итүнең практик күнекмәләрен формалаштыруга юнәлтелгән. Педагоглар гаилә бюджетын аңлау үзенчәлекләренә, финанс хезмәтләреннән җаваплы файдалануга, мошенниклардан саклануга аерым игътибар бирәләр.
Курсларны өйрәнү өчен атнасына бер сәгать каралган. Аларны үзләштерү өчен гомуми вакыт: башлангыч мәктәптә — 68 сәгать, төп мәктәптә — 136 сәгать һәм югары сыйныфларда 68 сәгать тәшкил итә.