Казан IT-лицее командасы «Знание.Игра» турнирының финалына узды
Казанның махсуслаштырылган уку-фәнни үзәге — IT-лицейның «Шашлык» командасы мәктәп укучылары һәм көллият студентлары арасында викториналар буенча «Знание.Игра» турнирының финалына узды, дип хәбәр итте оештыручылар. Алар һәм Россиянең 89 төбәгеннән, шулай ук Абхазия һәм Беларуссиядән килгән тагын 90 эрудитлар командасы 15 майда Мәскәүдә, «Россия» милли үзәгендә очрашачак. Интеллектуаль ярышта катнашучылар өчен барлыгы 20 сайлап алу уены оештырылды.
Төбәк этабы федераль округлар буенча узды. Идел буе федераль округындагы ярыш көне кысаларында 1300дән артык мәктәп укучысы һәм көллият студенты катнашты.
Россия Федерациясенең һәр субъектындагы җиңүче 2026 елның 15 маенда Мәскәүдә узачак турнирның көндезге финалында катнашу хокукына ия булачак. Финал нәтиҗәләре буенча 10 команда бүләкләнәчәк: бер абсолют җиңүче һәм 9 призер.