Казанда «Сәләтле бәләкәч» балалар иҗаты фестивале узды

2026 елның 27 апреле, дүшәмбе

Казанның Совет районында «Сәләтле бәләкәч» балалар иҗаты фестиваленә йомгак ясалды, анда 300дән артык нәни үз сәләтен күрсәтте. Традициягә әверелгән бу чара яшьнең талант өчен тоткарлык түгел икәнлеген тагын бер кат исбатлады.

Фестивальдә Совет районы балалар бакчаларында тәрбияләнүчеләр — иң кечкенәләрдән алып, чыгарылыш төркеме балаларына кадәр катнашты.

Фестивальнең төп максаты — һәр баланың иҗади потенциалын ачу, туган як мәдәниятенә тарту һәм яңа талантларны ачыклау. Фестиваль Мәктәпкәчә белем бирү елына багышланган иде. Жюри карары буенча, иң яхшы номерлар «Балачак иле» шәһәр фестивалендә катнашу өчен тәкъдим ителәчәк.

#МәктәпкәчәБелемБирүЕлы

#ГДОТатарстан